Onblusbare hoop

http://kerkbode.christians.co.za/2017/12/14/onblusbare-hoop/

Dr Dawie Botes van die NG gemeente Welkom-Wes skryf in ’n brief:

Leef met onblusbare hoop elke dag. Doen iets kleins elke dag.  Deel hoop, gee hoop, leef hoop. 

Tel een papier elke dag in jou dorp op.  Maak een slaggat reg. WhatsApp een boodskap van  hoop. Kyk die karwag in die oë vir twee sekondes en sê: “Lekker dag vir jou.” Gee hoop deur jou woorde.

Buk ’n slag by die bedelaar op die grond en gee met deernis die brood en koeldrank. Koop vir die arme wat in die ry staan by die winkel iets.  Gee hoop om jou: bietjie vir bietjie, een dag op ’n slag.

Maak nie saak wat die ANC se konferensie oplewer nie, maak nie saak wat politici sê en doen nie, Jesus Christus gee ons as Christene in Suid-Afrika onblusbare hoop: hoop wat nooit vernietig kan word nie, hoop wat jy nie kan weg wens nie, hoop wat môre beter sal laat lyk. Genoeg hoop vir elke 24 uur vir elke uur en elke 5 minute.

Die hoop van Kersfees met die goeie nuus van groot blydskap moet deur elkeen van ons geleef word.  Onblusbare Hoop vir nou, vir netnou en vir die toekoms.  Dit sal van die wêreld nou en vir die toekoms ’n beter plek maak.

The post Onblusbare hoop appeared first on e•Kerkbode.