Kerke sê daggabesluit is ‘totaal onaanvaarbaar’

Die wettiging van die kweek van dagga vir private gebruik is totaal onaanvaarbaar vir kerke. So sê die Suid-Afrikaanse Raad van Kerke (waarvan die NG Kerk lid is) in ʼn verklaring. Die kerke beskou dagga steeds as die bron van maatskaplike euwels en die kerke gaan verskillende maniere ondersoek om die besluit om te keer.

Die SARK se volledige verklaring lui:

Last week, representatives of various church federations came together to consider the pastoral implications of the recent ruling by the Constitutional Court, on the legal status of dagga

This decision is totally unacceptable to the Body of Christ. That being our starting point, we are consulting with lawyers on appropriate ways to bring the matter back to the Court. Even though the ConCourt is the apex court of South Africa, we have reason to believe that the Court should be open to consider some of the contradictions in the brief of the ruling.

For example, the ruling appears to be premised on the prescripts of Section 14 of the Constitution, on the right to privacy, in terms of which “everyone has the right to privacy”, in regard to the provisions of section 5(b) of the Drugs and Drug Trafficking Act 140 of 1992, and aspects of Medicines and Related Substances Control Act 101 of 1965, as being “inconsistent with the right to privacy entrenched in section 14 of the Constitution”.

It has been argued that there are some medicinal properties of cannabis that are of some value. We are commissioning scientific research in this regard. If that were the case, we believe that there is a possible area of contradiction between the privacy primacy and the considerations of the commercialisation for the medicinal uses of cannabis, which are not reconciled in the Con Court ruling.

We are grieved by the many social ills and pastoral implications of how the legal provision for the “private” cultivation and consumption of dagga will affect life of families, especially of poor people such as the elderly living with their problematic grandchildren, etc.

Dagga, along with liquor and other drug concoctions, remains a major source of the social ills of our society. If this is allowed to go on unchallenged, our society will degenerate further into moral decay.

In the next two weeks, work will be done with lawyers and the gathering of available scientific research, ahead of the next All Church Federations Consultative Meeting set for 10:00 – 15:00 on Thursday November 8, at the Rhema Bible Church.

We call on every Christian community and organisation of churches to support this effort.

Kerke steun vervolging van ‘pastoor’

Die hofsaak teen die Oos-Kaapse “pastoor” Tim Omotoso is die regte manier om sulke gevalle te hanteer. Verdere regulering van godsdienstige instansies is nie nodig nie. Dit is die standpunt van die NG Kerk volgens dr Gustav Claassen, algemene sekretaris van die kerk.

Claassen het ook gesê die NG Kerk vereenselwig haar met ʼn verklaring wat die Suid-Afrikaanse Raad van Kerke oor dié hofsaak uitgereik het.

Claassen se volledige verklaring lui:

Die NG Kerk vereenselwig haar met die verklaring van die SARK se algemene sekretaris biskop Malusi Mpulwana getiteld: SACC statement on Omotoso Rape Trial

Die hofgeding rondom pastoor Omatoso asook die saak van die “Seven Angels” in die Oos Kaap bring die hele saak van die regulering van godsdiens deur die artikel 9, Commission for the Promotion and Protection of the Rights of Cultural Religious and Linguistic Communities (CLR) op die tafel.

Vergrype rondom seksuele aanranding en mensehandel asook misbruik van godsdiens in die algemeen, soos in hierdie twee sake ter sprake, word deur die kommissie as voorbeelde voorgehou waarom godsdienstige instansies gereguleer moet word. Die CRL het hom intussen tot die grondwetlike hof gewend om regsekerheid te kry oor sy mandaat. Pogings deur die CRL tot dusver is nie deur die parlementêre komitees ondersteun nie.

Vanuit die godsdienstig sektor word sulke pogings ervaar as ’n bedreiging vir godsdienstige vryheid. Kerke is van mening dat sulke sake deur gewone wetstoepassing en bestaande wette aangespreek moet word. Die hofsake teen pastoor Omatoso en die “Seven Angels” word deur die godsdienstige gemeenskap ondersteun as die gepaste wyse van hantering deur bestaande wetgewing en wetstoepassing.

Die NG Kerk ondersteun, en was betrokke, deur die opstel van ’n gedragskode, vir die selfregulering van godsdienstige werkers.

Die SARK se volledige verklaring lui:

SACC Statement on Omotoso Rape Trial

The people of South Africa and the churches have watched with gripping horror and disbelief the trial proceedings of the so-called pastor, Mr Tim Omotoso, charged with rape and human trafficking. The manner in which the victim, young and courageous Cheryl Zondi, was brutalised in a cross examination that was reminiscent of the apartheid Security Branch interrogation, left many aghast and with serious questions about the conduct of the judicial system.

The South African Council of Churches (SACC) condemns outright any of the despicable practices for which Mr Omotoso has been indicted. To name anyone who conducts such practices as a pastor is to grossly misrepresent what it means to be a pastor. The brutalisation of a rape victim in the manner we have witnessed urges us to call on the Judicial Authorities – the Department of Justice, the National Prosecuting Authority, and the Office of the Chief Justice, to give serious consideration to the creation of special courts for rape charges that will have a particular code and culture, that prevents the additional victimisation and brutal humiliation of victims. The SACC is making representations to the justice authorities in this regard.

Secondly, the SACC is exploring an appropriate way of establishing an “Unburdening” Process for both the religious and business sectors. On the former, to provide a facility for people and victims to tell their stories and be afforded appropriate ministries even ahead of possible court proceedings for which they would need to be emotionally prepared. Cheryl Zondo’s heroism is outstandingly remarkable, and very few would have survived that frightful Omotoso defense grilling. An intermediate “unburdening” process might encourage more victims to come forward.

The humanitarian NGO Rape Crisis has previously estimated that if all rape cases were reported, the number would more than 1300 cases per day in South Africa; adding in summation, that “the nature and extent of rape in South Africa, as well as the inadequate systems in place to respond to it, continue to pose a significant obstacle in the path towards achieving a just society in which citizens, and particularly women, can live with dignity and freedom from the fear of sexual violence.”

For this reason, the burning matter of gender based violence is in the current SACC initiated National Convention of South Africa Process to Reimagine, Redesign and Reorganise the South African life experience.

The Omotoso case, together with the Eastern Cape Ngcobo “Seven Angels” religious rogues who preyed on innocent people, brings into sharp focus the urgent need to root out criminality masquerading as religious practice.

This comes back to the pressing matter of concluding on the acceptable manner of regulating the church sector in ways acceptable to churches and to government for the protection of citizens, and the upholding of appropriate ethical and professional standards in the practice of Christian pastoral ministry in all traditions of Christian expression.

– Issued by the office of the General Secretary of the South African Council of Churches, Bishop Malusi Mpumlwana.


Stuur Amptelike Nuus na Lida Viljoen by


Beroep: Ds Hannes du Plessis van Reitz na Universitas-Wes; Miga Coetsee van Ruiterwacht na Murray gemeente; ds Johannes Zacharias (Hanri) Joubert van Britstown na Gansbaai; ds J Dickason van Durbanville na La Rochelle; ds Henry Stopforth van Rondekerk, Secunda na Die Strand; ds Nico van Rensburg van Teteléstai na Potchefstroom.

Aanvaar: Dr JJ de Bruyn van Bergville na Dundee-Suid.



Prop Helgard Meyer Pretorius het die beroep aanvaar na die NG gem Pinelands. Die bevestiging het plaasgevind op Sondag, 14 Oktober 2018. (Ds JH van Heerden, Skriba, 28.09.2018).


Die 124ste gewone vergadering van die Ring van Beaufort het plaasgevind vanaf 14-15 Oktober 2018 by die NG gem Leeu-Gamka. (Ds Herman Burger, RS, 08.10.2018).


Die 52ste gewone vergadering van die Ring van Piketberg het plaasgevind op Maandag, 15 Oktober 2018, te Piketberg. (Ds JC van Schoor, RS, 19.09.2018).


Ds Daan (DM) Fourie, tans leraar van die NG gem Ladismith (Wes-Kaap), emeriteer op 30 November 2018. Sy afskeidspreek sal plaasvind op DV Sondag, 25 November 2018. (Lisbe Rossouw, Skriba, 07.09.2018).



Ds Hennie de Kock het die beroep na die NG gem Kalahari in Hotazel aanvaar. Sy aanvangsda­tum is DV 1 November 2018. (Yvonnette Wessels, 17.09.2018).



Ds Anton Nadel van Bellville is in die vastetermyn leraarspos van twee jaar beroep na NG gem Fauresmith, in kombinasie met NG gem Jagersfontein. Hy het die beroep aangeneem en word DV op Sondag, 14 Januarie 2019, as leraar van Fauresmith en Jagersfontein bevestig. (Dr Christo Herbst, Konsulent, 19.09.2018).



Kennis geskied hiermee dat die 61ste gewone vergadering van die Ring van Vereeniging op 15 Oktober 2018 om 18:00 te Three Rivers Lodge, Golfweg, Drie Riviere plaasgevind het. (Ds CCJ (Chris) Olivier, RS, 17.09.2018).



Prop Danielle Charné Laubscher is op Sondag, 16 September, tydens ’n erediens, tot die kerkverband bevestig met handoplegging deur dr Gideon Kok, leraar van die NG gem Mondeor. (Dr Gideon Kok, leraar, 19.09.2018).


Prof HF Stander emeriteer op 1 September 2018.



Ds JC van Rooyen tree aan die einde van Oktober 2018 af. Sy afskeidspreek vind plaas op 28 Oktober 2018. (Hester Groenewald, 28.09.2018).


PE Hoogland se roeping: Geloof, deur liefde tot dade (Gal 5:6)

Voltydse vastetermynpos vir twee jaar (Medeleraar)
Sluitingsdatum: 24 Oktober 2018.

PE Hoogland is 46 jaar oud en is geleë in die Charlo-area in Port Elizabeth. Ons bestaan tans uit ongeveer 800 huishoudings: 1 712 belydende lidmate (158 tussen die ouderdom van 19 en 25) en 454 dooplidmate. Daar is vier laerskole, twee hoërskole en ’n aftree-oord in die onmiddellike omgewing. Hoogland het ’n missionale roeping, is inklusief en vier die diversiteit van mense in die geloofsgemeenskap.


Met Artikel 9 van die Kerkorde as basis, word van hierdie voltydse medeleraar verlang om:

• ’n deurleefde spiritualiteit en jonkheid te beliggaam (verkieslik nie ouer as 35 jaar);

• entoesiasties te wees en oor vaardighede te beskik om die jeug, as wesenlik deel van die gemeente, effektief te bedien;

• eredienste met goeie teologiese begronding, kontekstuele relevansie en geestelike diepte te lei;

• ’n opregte belangstelling in mense te hê, gasvry te wees en goed in ’n span saam te werk;

• in spanverband kreatief en energiek mee te werk om die gemeente te begelei en toe te rus om haar roeping uit te leef; en

• oor goeie kommunikasievaardighede te beskik.

Vergoedingspakket: ’n Vergoedingspakket van R300 000 (TKVI) per jaar word aangebied. Die vergoedingspakket sal met die suksesvolle kandidaat onderhandel word. Die termyn mag na twee jaar verleng word.


Ons nooi gelegitimeerdes van die NG Kerkfamilie asook studente wat einde 2018 gelegitimeer word om aansoek te doen vir hierdie pos deur ’n CV met drie referente en ’n motivering (skriftelik of video) waarom jy jouself in hierdie pos sien. ’n Skakel na ’n video- of klankopname van ’n onlangse diens is ook welkom. Aansoeke kan gestuur word na

Sluitingsdatum vir aansoeke: 24 Oktober 2018.

Diensaanvaarding: 1 Desember 2018 of so spoedig moontlik daarna.


Albrecht Herholdt (Voorsitter: Pre-advieskommissie) 041 582 1073 (08:00 tot 16:00)
Pieter Nel (leraar) 082 879 1466
Saretta Dawson (Gemeentebestuurder) 041 367 1485 (08:00 tot 14:00).

Die kerkraad behou die reg voor om nie ’n aanstelling te maak nie.

NG GEMEENTE kerksondermure

Vakature: Gemeenteleier
Sluitingsdatum: 25 Oktober 2018.


kerksondermure is ’n makrogemeente in Centurion en Midstream. Ons is een gemeente wat vanuit twee persele funksioneer. Ons is Bybels behoudend en eietyds.

Leier se profiel:

Die suksesvolle kandidaat sal deel vorm van die uitvoerende span, en sal aanvanklik ver­antwoordelik wees vir die omvattende bestuur van kerksondermure se groepebediening en jong volwassenes. Die kandidaat moet oor die volgende eienskappe/vermoë/ervaring beskik:

• ’n Spanspeler.

• Organisatoriese vaardighede.

• Voldoende en toepaslike ervaring in gemeentelike bediening.

• Ervaring en/of begrip van bediening in ’n groot gemeentekonteks.

• Verkieslik ’n gelegitimeerde predikant.

• Die ideale kandidaat het tussen 7 en 15 jaar toepaslike ondervinding.


’n Mededingende pakket sal met die suksesvolle kandidaat onderhandel word.


Verskaf asseblief ’n kort CV met ten minste twee referente voor die sluitingsdatum.

Onderhoude sal met die kandidate op die kortlys gevoer word.

Aansoeke kan gestuur word aan: Miriam Muller by

Sluitingsdatum vir aansoeke: 25 Oktober 2018.

Vir verdere inligting kontak: Fanie Venter, 012 663 2003.

Die gemeenteraad behou homself die reg voor om nie ’n aanstelling uit die aansoeke te maak nie.

NG Gemeente Prieska

Vakature: Medeleraar (Voltydse onbepaalde termynpos)
Sluitingsdatum: 14 Desember 2018.

Die kerkraad wag in biddende afhanklikheid van die Here aansoeke in vir die pos van bedienaar van die Woord.


Prieska is ’n gemeente in die Noord-Kaap wat gemaklik is met vernuwing en gedurig geleenthede skep waarbinne ons vra na waarmee die Here besig is in en deur ons. Ons het ’n sterk missionale gerigtheid en leef dit plaaslik ekumenies uit, veral deur barmhartigheid. Ons is ook buite ons gemeentegrense aktief in die wêreld betrokke. Die gemeente bestaan uit drie eredienspunte, waarvan twee, nl Marydale (75 km) en Niekerkshoop (55 km), vanaf Prieska geleë is. Die gemeentegrense beslaan ’n radius van ongeveer 100 km. Nagenoeg die helfte van die gemeente bestaan uit plaaswyke. Prieska beskik oor hoër- en laerskole en ouetehuise. Die gemeente se bediening word deur drie leraars gefasiliteer.


Ons bid en vertrou dat die Here ’n gelegitimeerde leraar vir sy kerk op Prieska sal stuur, wat passievol en soekend sal meewerk aan dit waarmee God in en deur ons besig is. Artikel 9 van die Kerkorde word beskou as vertrekpunt vir die dienskontrak. Verhoudings en persoonlike kontak is vir ons gemeente baie belangrik.

Ons tema vir 2019 is: “Een liggaam – Ek is deel daarvan. Ek is nodig. Ek is misbaar”.


Die vergoedingspakket is onderhandelbaar met die sinodale skaal en ander voordele en riglyne as basis. Die gemeente beskik nie meer oor pastorië nie, daarom word ’n behui­singstoelaag voorsien (standplaas: Prieska).


• Alle aansoeke moet vergesel word van ’n volledige CV, sowel as die name van minstens drie referente met kontakbesonderhede.

• Aansoeke moet ook asseblief ’n opname (video of oudio) van ’n preek, gelewer tydens ’n erediens, insluit.

SLUITINGSDATUM vir aansoeke: 14 Desember 2018.

• Kandidate moet beskikbaar wees vir ’n onderhoud.


(Aansoek moet die kerkkantoor nie later as 14 Desember 2018, om 14:00 bereik.)

Die Skriba: NG gemeente Prieska, Me Maryna Wiid Posbus 33, Prieska 8940

Tel: 053 353 1261. E-pos:

Die kerkraad behou die reg voor om nie net uit die aansoeke te beroep of enigsins ’n aanstelling te maak nie.

NG Gemeente Culembeeck

Witpoortjie, Roodepoort

Vakature: Tentmaker
Sluitingsdatum: 30 November 2018.

(Deeltydse pos vir onbepaalde termyn)

Die kerkraad van die NG gemeente Culembeeck wag in afhanklikheid aansoeke in vir bogenoemde pos.

Gemeenteprofiel: NG Culembeeck is ’n voorstedelike gemeente in Witpoortjie, Roodepoort. Ons het 922 belydende en 258 dooplidmate met ’n voltydse leraar. Die gemeente is baie sterk gefokus op geloofsformasie by die kerk en huis. Gemeenskapsbetrokkenheid is ’n belangrike deel van die gemeentelewe.

Leraarsprofiel: Gelegitimeerde persoon met ’n gawe om met tieners en jong volwassenes te werk. Van die kandidaat sal verwag word om die gemeente te bedien in alle fasette van die gemeentewerk soos omskryf in Artikel 9 van die Kerkorde.

Die volgende vereistes is van besonderse belang vir die kerkaad:

• Tiener- en jongvolwassenebediening

• Skolebediening

• Prediking en eredienste

• Pastoraat

Vergoeding en voordele:

• Onderhandelbaar, met sinodale skaal as riglyn.

Aansoek: ’n Vraelys kan vanaf die kerkkantoor aangevra word. Die voltooide vraelys asook ’n bondige CV en ’n lys van drie referente moet gestuur word aan:

Kandidate moet beskikbaar wees om preekbeurte in die gemeente waar te neem as deel van die keuringsproses.

Diensaanvaarding: 1 Maart 2019.

Sluitingsdatum: 30 November 2018.


• Ds Yolandi Kok: 079 354 7902

• Marius Nel: 083 444 2553

Die kerkraad behou die reg voor om nie ’n aanstelling uit die aansoeke te maak nie.


Vakature: Voltydse leraarspos
Sluitingsdatum: Dinsdag, 1 Januarie 2019.


Ventersdorp is ’n plattelandse dorp, 48 km vanaf Potchefstroom. Daar is ongeveer 200 belydende en 47 dooplidmate. Die dorp beskik oor ’n hoër- en laerskool en ’n bejaardesorg-tehuis.


Ons is op soek na ’n dinamiese en Geesvervulde leraar wat binne die eerste vyf jaar van sy bediening is:

• ’n Toegewyde gelowige is wat die Here liefhet en dien;

• Geroepe is vir bediening in ’n plattelandse gemeente;

• Gemeentelike ervaring en wat met oorgawe huisbesoek sal doen.

• Leierseienskappe besit met goeie menseverhoudinge wat na lidmate op alle sosiale vlakke en ouderdomme kan uitreik.

• ’n Spanbouer wat gemaklik klein en groot groepe kan lei tot die opbou van die gemeente as ’n hegte eenheid met ’n gevoel van samehorigheid.

• Verdere pligte soos omskryf in Artikel 9 van die Kerkorde kan verrig en

• ’n Gelegitimeerde leraar van die NG Kerk is.

Vergoeding en voordele: Onderhandelbaar, met sinodale skaal 1 as riglyn.

Huisvesting: Pastorie met munisipale dienste, en selfoontoelae.

Aansoeke: U aansoek moet ’n volledige CV en minstens twee referente, asook kontaknommers insluit. Stuur asseblief per e-pos aan die NG Ventersdorp-Oos-gemeente by: – bevestig ook ontvangs van u aansoek met die skriba van die kerkkantoor. Aansoekers wat die kortlys haal, sal genooi word vir ’n onderhoud en moontlike preekgeleentheid. Indien u getroud is sal u gade welkom wees om die onderhoud by te woon.

(NOTA: Finalejaar teologiese studente is ook welkom om aansoek te doen, aangesien die aanstelling van leraar eers na legitimasie van studente sal plaasvind.)

Sluitingsdatum vir aansoeke: Dinsdag 1 Januarie 2019.

Navrae: Mnr Eddie Mann (kerkraadsvoorsitter) op 083 271 5710, of die kerkkantoor op 082 826 1045/018 264 2582 (k/u Ma, Wo-Vr 08:00-13:00; Dinsdae gesluit).

Die kerkraad behou hom die reg voor om nie ’n aanstelling te maak nie.


Vakature: Voltydse medeleraar
Sluitingsdatum: 26 Oktober 2018.

Die NG gemeente Fochville-Noord stel hiermee in biddende afhanklikheid van God ’n vakature bekend vir ’n geskikte aansoeker om as voltydse tweede leraar in die gemeente te kom dien.


Fochville-Noord is ’n dinamiese groeiende gemeente in Fochville. Fochville lê tussen Potchefstroom en Johannesburg naby aan die N12-roete. Dit is ’n groeiende groot dorp wat as voorstedelike platteland beskryf kan word. Die gemeente het ’n missionêre karakter en bereik elke jaar verskillende hoogtepunte as deel van sy leuse: “Voluit vir Christus”.

Alhoewel ons ’n plattelandse gemeente is, is ons sentraal geleë naby verskillende groot sentra in die Sinode Goudland. Die dorp het ’n groot Afrikaanse hoërskool en twee groot laerskole. Die gemeente bestaan uit 1 160 belydende en 330 dooplidmate.


Leraars van die NG Kerk wat aan die volgende vereistes voldoen is welkom om aansoek te doen:

● Beskou die verkondiging van die evangelie as ’n prioriteit en voorreg.
● Is passievol oor Christus en sy kerk en kan gemaklik met mense omgaan.
● Het ’n roeping om alle mense van ons gemeenskap met die liefde van Jesus Christus in woord en daad te bereik.
● Beskou huis- en pastorale besoeke as belangrik.
● Wil werklik binne die gemeenskap waarin ons kerk is, ’n verskil maak.
● Beskik oor die gawes om gelowiges toe te rus vir hulle dienswerk en hulle te ondersteun.
● Kan met kinders en jongmense binne hulle lewenswêreld vereenselwig en hulle bedien.
● Beskik oor leiers- en bestuursvaardighede om bogemelde bedieninge te laat vlot.
● Kan in spanverband op verskillende vlakke met medegelowiges saamwerk tot eer van God.

’n Kompeterende pakket met die sinodale skaal as riglyn sal onderhandel word.
’n Ruim pastorie sal tot beskikking gestel word van die leraar.


Aansoeke kan per e-pos gestuur word of gefaks word na die onderstaande adres en moet ’n kort CV insluit. Daarin moet duidelik gemaak word waarom jy dink jy inpas by die bogemelde leraarsprofiel. Die kerkraad behou die reg voor om nie ’n aanstelling te maak nie.

SLUITINGSDATUM: 26 Oktober 2018.

Ds Johan Brink 018 771 2566 of 083 459 5214
Oudl Nic van der Werff 018 771 6019 of 083 303 0900

Die skribas: Petru Barnard of Driekie Nortjé 018 771 6003
Kerkkantoor e-pos:

E-pos ds Brink:

Kerkkantoor faks: 018 771 5422.


Vakature: Jeugwerker – een jaar pos
Sluitingsdatum: 26 Oktober 2018.

Die NG gemeente Lichtenburg is op soek na ’n energieke persoon met ’n sterk roeping ten opsigte van kinder- en jeugbediening om as jeugwerker aan te stel vir ’n termyn van minstens een jaar. Die suksesvolle kandidaat sal verantwoordelik wees vir die organise­ring van die kinder- en jeugbediening van alle skoolgaande asook naskoolse jeug in die gemeente, onder leiding en in oorleg met die leraar.

Die pligte behels onder andere:

• Aanbied en koördinering van kategese en kinderkerk.

• Ontwikkeling en vestiging van ’n kinderkrans vir laerskoolse jeug, ’n tienerbedie-

ning vir hoërskoolse jeug en ’n volwasse jeugbediening vir naskoolse jong- mense in die gemeente.

• Bou van verhoudings met kinders en jongmense in die gemeente wat onder andere huisbesoeke sal insluit.

• Blootstelling van die jeug van die gemeente aan uitreike en diensbaarheidsaksies.

• Reël en aanbied van kampe.

• Opleiding en ondersteuning van medewerkers en helpers vir die onderskeie jeugbedieninge.

• Alle verwante take.


Persone wat oor die volgende vereistes beskik kan aansoek doen om die pos te vul:

• ’n Passie vir God en ’n hart vir jongmense.

• ’n Lewende verhouding met die drie-enige God.

• Emosionele volwassenheid en leiereienskappe.

• Geroepenheid en passie vir jeugbediening.

• Moet goed in spanverband kan saamwerk.

• Lidmaat van die NG Kerk.

• Beskik oor eie vervoer.

Kwalifikasies en ondervinding:

• ’n Tersiêre kwalifikasie in jeugwerk.

• Ondervinding in jeugwerk is ’n aanbeveling.

Diensaanvaarding: 1 Januarie 2019.


• Stuur u aansoek, asook ’n kort motivering van u aansoek per e-pos aan:

• Aansoeke moet ’n kort CV asook drie verwysings insluit.

Sluitingsdatum vir aansoeke: 26 Oktober 2018.

• Aansoekers wat die kortlys haal, sal genooi word vir ’n persoonlike onderhoud.

• Vergoedingspakket is onderhandelbaar.


Enige navrae kan telefonies gerig word aan ds Johan van Zyl, tel: 083 564 1874 of per e-pos aan:

Die kerkraad is nie verplig om ’n aanstelling uit die aansoeke te maak nie.